د پروان مخابراتو او معلوماتي ټکنالجۍ ریاست له ښوونیز مرکز څخه د ۴۶ زده کوونکو فراغت.
د پروان ولایت د مخابراتو او معلوماتي ټکنالوژۍ ریاست اعلان وکړ، چې د دغه ریاست له ښوونیز مرکز څخه ۴۶ زده کوونکو د فراغت سندونه تر لاسه کړل.
د دغو زده کوونکو په فراغت غونډه کې، د پروان والي فضل الدین عیار په ګډون د سیمه ایزو ارګانونو مشاور او د مخابراتو رییس ګډون کړی وو.
د پروان ولایت د مخابراتو او معلوماتي ټکنالوژۍ رییس زلمی ناصر وايي، د دغه ریاست له خوا په شپږ میاشتنۍ ښوونیزه دوره کې، زده کوونکو ته د کامپیوټر په ګډون د انټرنیټ او معلوماتي ټکنالوژۍ اړوند زده کړې ورکړل شوې.
