د هندوستان د مخابراتو وزارت مرستيالې سره لیدنه
Alireza Khaliqyar
چهارشنبه ۱۳۹۷/۸/۹ - ۱۴:۳۷
چهارشنبه ۱۳۹۷/۸/۹ - ۱۴:۳۷
د افغانستان د مخابراتو او معلوماتي ټکنالوجۍ وزیر محترم شهزاد آريوبي د مخابراتو د نړيوالې اتحاديې د کنفرانس په څنډه کې د هندوستان د مخابراتو وزارت مرستيالې آغلې Aruna Sundararajan سره ولیدل او د افغانستان او هندوستان د دوه اړخيزه اړيکو د پراختيا په اړه يې خبرې وکړې.
محترم آريوبي همدا شان د ناستې په جریان کې د افغانستان د ICT سکټور د پراختيا په برخه کې د هندوستان د همکارۍ، په هندوستان کې د سيمې په کچه د ITU India څانګې پرانېستې، د افغانستان د ملاتړ په موخه د الکټرونيکې زده کړو(e-learning) پروګرام او نورو اړوندو موضوعاتو خبرې وکړې.
هندوستان د افغانستان د مخابراتو او معلوماتي ټکنالوجۍ په برخه کې یو له سترو ملاتړ کوونکو هېوادونو څخه دی او د افغانستان حکومت يې په دې برخه کې له همکارۍ منندوی دی.
