د نیمروز ولايت مرکز زرنج ښارکې د روشن مخابراتي شرکت د پېرودونکو خدمتونو څانګه پرانېستل شوه
د روشن مخابراتي شبکې د غوره مخابراتي خدمتونو د وړاندې کولو او پیرودونکو ته د لازیاتو آسانتیاو د برابرولو په موخه د نیمروز ولایت په مرکز زرنج ښار اړوند ختیځ لوري نجاریو په کوڅه کې د مخابراتي خدمتونو د پېرودونکو نوې څانګه پرانیستله.
اوس د نیمروز ولایت د مرکز اړوند زرنج ښار اوسیدونکي کولای شي له یادې څانګې څخه سیمکارتونه او نور مخابراتي توکي او خدمتونه په آسانۍ سره ترلاسه او خپلې مخابراتي او انټرنټي ستونزې حل کړي.
د یادولو وړ ده چې د نیمروز ولایت د مخابراتو او معلوماتي ټکنالوجۍ ریاست د مرکز په ګډون او یو شمیر ولسوالیو کې د نویو سایټونو د جوړولو خبر ورکړ چې په جوړیدو سره به یې د نوموړي ولایت زیاتې محرومې سیمې تر مخابراتي پوښښ لاندې راوستل شي او دخلکو ستونزې به تر یوه بریده ورباندې حل شي.
