د ننګرهار ولایت د مخابراتو او معلوماتي ټکنالوجۍ ریاست او مخابراتي شرکتونو ترمنځ د همغږۍ غونډه وشوه
د ننګرهار ولایت مخابراتو او معلوماتي تکنالوجۍ ریاست رهبري د اترا ادارې او مخابراتي شرکتونو د مسؤلينو سره د یوې غونډې په ترڅ کې وکتل.
په دې غونډې کې د (ټی ډي اف) لسمی پروژی د چارو د تطبیق پر څرنګوالي خبرې وشوې او ټولو مخابراتي شرکتونو ته سپارښتنه وشوه چی (د ټی ډي اف) لسمی پروژی چاری باید د ورکړل شوي ډیزاین او میکانیزم مطابق ترسره کړي او همدرانګه ټیګار وشو چې په ولسوالیو کې د مخابراتی سایتونو ودانیزې چارې، نصب، انتقال او حذفول باید د مخابراتو ریاست او اترا اداری سره په همغږۍ ترسره کړي.
همداراز ټینګار وشو چې د سیمکارتونو ثبت او وېش د نوې کړنلارې مطابق ترسره شي او په دې ولایت کې په مخابراتي خدمتونو کې شته ستونزو ته د حل لاره ولټوي.
د یادونې وړ ده چې د ټولو مخابراتي شرکتونو استازو د پورته ذکرشویو مواردو په برخه کې د اترا ادارې د کړنلارې د پوره تطبیق او همغږۍ ژمنه وکړه.
