د مخابراتو او معلوماتي ټکنالوجۍ په وزارت کې د پلان جوړونې اجرااتو د ارزونې نوی میتود د پوهاوي او زده کړې ورکشاپ په لار واچول شو
دا د پلان جوړونې د اجرااتو د ارزونې نوی میتود د پوهاوي زده کړې پروګرام د دې وزارت د یو شمېر رئیسانو په ګډون، د بشري سرچینو ریاست د وړتیاوو د لوړولو امریت لخوا د دې وزارت د غونډو په تالار کې جوړ شو.
د پلان جوړونې نوی فارمټ، د اجرااتو د ارزیابۍ میتود او د راپور ورکونې، ګټې، د قانون بنسټ، اصول او د اجرااتو د ارزیابۍ شرایط له ډلو څخه وو، چې په دې ورکشاپ کې وړ معلومات او لارښونې پکې وړاندې شوې.
د ناستې په پیل کې د مخابراتو وزارت مالي او اداري لوی رئیس جاوید حسین فضایلي د اجرااتو د ارزیابۍ په اړه خبرې وکړې، او یادونه یې وکړه چې د چارو د پرمختګ او کارمندانو ته انګیزه ورکول د اجرااتو د ارزونې مهمه موخه ده.
د یادونې وړ ده چې د زده کړې دا پروګرام د پلان جوړونې، رايور ورکوونې او د اجرااتو د ارزونې میتود په اړه د وزارت د رییسانو د پوهاوي د کچې د لوړولو په منظور په لاره اچول شوی و او د وزارت ټولو رییسانو د دغه پروګرام څخه ګټه تر لاسه کړه.
