د مخابراتو او معلوماتي ټکنالوجۍ وزیر د نړیوال بانک مرکزي دفتر سره د ویډیویي کنفرانس له لارې خبرې وکړې
د مخابراتو او معلوماتي ټکنالوجۍ وزیر ښاغلي شهزاد آریوبي د مالیې وزارت، اترا (ATRA) او په افغانستان کې د نړیوال بانک نمایندګۍ د استازو سره په ګډه په واشنګټن کې د نړیوال بانک مرکزي دفتر سره ویدیوي کنفرانس درلود. په دغه کنفرانس کې د ډیجیټل کاسا (Digital CASA) پروژې په مالي هوکړه لیک او نورو مهمو اسنادو د اخري کتنې په باره کې ګټورې خبری وشوې. ډیجیټل کاسا پروژه چې د ډیجیټل افغانستان په لور یو مهم ګام دی، مالي لګښت یې د نړیوال بانک لخوا کیږي او د افغانستان د مخابراتو او معلوماتي ټکنالوجۍ وزارت لخوا په راتلونکو پنځه کلونو کې پلی کیږي.
