د مخابراتو او معلوماتي ټکنالوجۍ وزیر د بریښنایي پیژند پاڼو د ویش لړۍ په مراسمو کې ګډون وکړ

نن د ۱۳۹۷ کال د ثور میاشتې په ۱۳ مه د مخابراتو او معلوماتي ټکنالوجۍ وزیر محترم شهزاد اریوبۍد بریښنایي پیژند پاڼو د ویش لړۍ په مراسمو کې چې د هېواد جلالتمآب ولسمشر محمد اشرف غني، د هېواد لومړۍ میرمنې، محترم شهزاد اریوبي او یو شمیر نورو دولتي چارواکو لومړۍ بریښنایي تذکرې ترلاسه کړې ګډون وکړ. اول به د نفوس احوال ثبتولو ادارې په پنځو مرکزونو کې د بریښنایي تذکرو د ویش بهیر پیل او وروسته به مرکزي او نورو ولایتونو ته و غځیږي.
د مخابراتو او معلوماتي ټکنالوجۍ وزارت لخوا د بریښنایي تذکرې ټول تخنیکي مسائیل او سیستمونه جوړ او چمتو شوي دي، چې په نړیوالو معیارونو برابر دي. د بریښنایي تذکرې له سیستمونو څخه ګټه اخیستنه د عامه خدمتونو لکه پاسپورټ، قبالې، کاري جواز او نورو خدمتونو په وړاندې کولو کې چټکتیا او اسانتیا رامنځ ته کوي، همدارنګه د امنیت په تامین، د جرمونو کچې په را ښکته کولو او ګڼو اړونده مسائیلو کې رغنده او بنسټیز رول لري.