د مخابراتو او معلوماتي ټکنالوجۍ وزیرې معصومه خاوري سره د جاپان سفیر مرستیال لیدنه
پړون له غرمې مخکې د مخابراتو او معلوماتي ټکنالوجۍ وزیرې معصومه خاوري د دوست هیواد جاپان د سفیر له مرستیال یوشییاکی تاکاهاشي سره وکتل او خبرې وکړې.
په دې کتنه کې د معلوماتي ټکنالوجۍ سکټور په بیلابیلو برخو کې د دواړو خواوو په همکاریو د نظر تبادله او بحث وشو. په دې لیدنه کې د مخابراتو او معلوماتي ټکنالوجۍ وزیرې معصومه خاوري د جاپان هېواد د دوامدارو مرستو چې د افغانستان دولت سره یې په بیلابیلو برخو کې کړي دي د قدردانۍ څرګندونه وکړه.
همدا راز د جاپان سفیر مرستیال ډاډ ورکړ، چې هېواد به یې د افغانستان دولت او خلکو سره په هر ډول حالاتو کې دوست او همکار پاتې شي.
همدارنګه هغه د معلوماتي ټکنالوجۍ سکتور په برخه کې د جاپان هېواد شرکتونو د پانګونې د لیوالتیا خبر هم ورکړ.
