د مخابراتو او معلوماتي ټکنالوجۍ وزیرې د خبریالانو او رسنیو له مسؤلینو سره د خبریالانو ملي ورځې په ویاړ تعارفي ناسته
د مخابراتو او معلوماتي ټکنالوجۍ وزیرې معصومې خاوري د خبریالانو ملي ورځې په مناسبت د بیلابیلو رسنیو له مسئولینو او خبریالانو سره ولیدل او خبرې وکړې.
په یاده غونډه کې د وزارت بیلابیلو برخو رئیسانو، اطلاعاتو ته د لاسرسې کمیسیون غړی ښاغلي محمد داود فیاض او د مختلفو رسنیو چارواکو او خبریالانو برخه اخیستې وه.
د مخابراتو او معلوماتي ټکنالوجۍ وزیرې معصومې خاوري د خبریالانو ستر او جدي دندو ته په اشارې سره، د ټولنې د پوهاوي او فکري او فرهنګي قوت لوړولو په برخو کې د دوی د هڅو څخه مننه څرګنده کړه.
اغلې خاوري د عامه پوهاوي او اطلاع رسونې په برخه کې د مخابراتو وزارت پر همکارۍ ټینګار وکړ او د پراختیایي چارو په ځانګړي ډول د معلوماتي ټکنالوجۍ په سکتور کې د خبرونو انعکاس ته د رسنیو د لا ډیرې پاملرنې او تمرکز غوښتنه وکړه.
یاد پروګرام، خبریالانو ته د ستاینلیکونو په ورکولو سره پای ته ورسید.
