د مخابراتو او معلوماتي ټکنالوجۍ وزارت کارمندانو ته د وړتیا لوړونې یو ورځنی ورکشاپ جوړ شو
د مخابراتو او معلوماتي ټکنالوجۍ وزارت د پلان او پالیسۍ ریاست د دغه وزارت د آمرینو، مدیرانو او کارکوونکو د ظرفیت لوړولو په هدف د پلان جوړونې او راپور ورکولو تر سرلیک لاندې یو ورځنی روزنیز ورکشاپ جوړ کړ.
په یاد ورکشاپ کې د مخابراتو او معلوماتي ټکنالوجۍ وزارت او د مخابراتي خدمتونو د تنظیم ادارې (آترا)۴۰ تنو اجرایوي رئیسانو او لویو مدیرانو برخه اخیستې وه.
په دغه ښوونیز پروګرام کې د پلان جوړونې نوی چوکاټ ، د راپور ورکولو او د پلانونو د ترتیب او جوړولو طریقه، د وزارت د پراختیایي پلانونو په اړه د راپورونو چمتو کولو او د پراختیایي پروژو د پرمختګ سلنې په اړه اړین معلومات او لارښوونې وړاندې شوې.
د یاد ورکشاپ په پای کې مسؤلینو د ګډونوالو پوښتنو ته لازم او قناعت وړ ځوابونه ورکړل.
