د زیربناو د پراختيا په موخه د نوې ټکنالوجۍ او تجهيزانو د معرفي کنفرانس کې وېنا

Alireza Khaliqyar
سه‌شنبه ۱۳۹۷/۱۰/۱۸ - ۱۶:۴۲

https://www.mcit.gov.af/ps/%D8%AF-%D8%B2%DB%8C%D8%B1%D8%A8%D9%86%D8%A7%D9%88-%D8%AF-%D9%BE%D8%B1%D8%A7%D8%AE%D8%AA%D9%8A%D8%A7-%D9%BE%D9%87-%D9%85%D9%88%D8%AE%D9%87-%D8%AF-%D9%86%D9%88%DB%90-%D9%BC%DA%A9%D9%86%D8%A7%D9%84%D9%88%D8%AC%DB%8D-%D8%A7%D9%88-%D8%AA%D8%AC%D9%87%D9%8A%D8%B2%D8%A7%D9%86%D9%88-%D8%AF-%D9%85%D8%B9%D8%B1%D9%81%D9%8A-%DA%A9%D9%86%D9%81%D8%B1%D8%A7%D9%86%D8%B3-%DA%A9%DB%90-%D9%88%DB%90%D9%86%D8%A7

د مخابراتو او معلواماتي ټکنالوجۍ وزیر محترم شهزاد آريوبي نن د زیربناو د پراختيا په موخه د نوې ټکنالوجۍ او تجهيزاتو د پېژندې یو ورځني ورکشاپ کې چې په ماليې وزارت کې جوړ شوی و، ګډونوالو ته د زیربناو په پراختيا کې د ټکنالوجۍ د ارزښت په اړه وېنا وکړه. 
دغه ورکشاپ په اقتصادي او پايداره توګه د زیربناو د پراختيا لپاره د اړتيا وړ ټکنالوجۍ او وسایلو د شناسايۍ په موخه جوړ شوی و. 
محترم آريوبي د خپلو خبرو په ترڅ کې د نوې ټکنالوجۍ د معرفي لپاره د اړتيا وړ پروګرامونو، ارزونو، لرليد او موخو، همدا راز په افغانستان کې د زیربناو د پراختيا په موخه د نوې ټکنالوجۍ د معرفي او په دې برخه کې د مخابراتو او معلوماتي ټکنالوجۍ وزارت د چمتووالي په اړه خبرې وکړې. 
په دغه ورکشاپ کې همدا شان ګډونوالو په څلورو بېلابېلو ګروپونو کې د افغانستان د زیربناو د صنايعو لپاره د نوې ټکنالوجۍ د معرفي کولو پر اړتياو، د پانګونې د فرصتونو ( حکومت، تمويلوونکو ، PPP بهرنيو پانګونو ...) د زیربناو په صنعت کې د نوې ټکنالوجۍ د معرفي کولو او په افغانستان کې د بشري سرچينو د ظرفيت لوړونې په موخه په حکومتي سکټور کې د اصلاحاتو په اړه بحثونه او خبرې اترې وکړې.