د جوزجان ولایت شبرغان ښار کې د سلام مخابراتي شبکې نوې څانګه پرانیستل شوه
د مخابراتو وزارت د افغان ټلیکام مخابراتي شرکت سلام مخابراتي شبکې د غوره مخابراتي خدمتونو د وړاندې کولو او پیرودونکو ته د لازیاتو اسانتیاوو د برابرولو په موخه د جوزجان ولایت په مرکز شبرغان ښار کې د مخابراتي خدمتونو نوې څانګه جوړه او پرانیستله.
اوس د شبرغان اوسیدونکي کولای شي له یادې څانګې څخه سیمکارتونه او نور مخابراتي توکي ترلاسه او همداراز خپلې مخابراتي او انټرنټي ستونزې په اسانۍ سره حل کړي.
