د افغان پُست ریاست او ایروپارسل خصوصي پُستي شرکت تر منځ د پُستي خدمتونو د عصري کولو تړون لاسلیک شو
د روان 1397 کال د حمل د میاشتې په 27 مه نیټه د افغان پُست ریاست او ایروپارسل پُستي خدمتونو خصوصي کمپنۍ تر منځ د پُستي زیربناوو د عصري کولو په موخه د همکاری هوکړه لیک لاسلیک شو.
دا هوکړه لیک د افغانستان د نافده قوانینو د حکمونو پر بنسټ جوړ شوی دی او په هیواد کې د پُستي خدمتونو د زیربناوو عصري کولو، ودې او پراختیا، ولایتونو ته په خوندي توګه د پُستي بستو او توکو د ګړندي لیږدونې په موخه د ایروپارسل شرکت د ټرانسپورټې اسانتیاوو څخه د ګټې اخیستنې لپاره د همکاری زمینه چمتو کوي.
همداراز به یاد شرکت د لاښه او غوره پستي خدمتونو د وړاندې کولو په منظور د افغان پُست ریاست سره مالي، تخنیکي او مشورتي خدمتونو په برخو کې مرسته کوي.
