د افغانستان د طبی شورا له رئيسې آغلې نسرین اوریاخیل سره لیدنه
سهشنبه ۱۳۹۷/۱۰/۱۱ - ۱۵:۳۹
د مخابراتو او معلوماتي ټکنالوجۍ وزیر محترم شهزاد آريوبي نن په خپل کاري دفتر کې د افغانستان طبی شورا رئيسې له آغلې نسرین اوریاخیل سره د لیدنې تر څنگ د مخابراتو او معلوماتي تکنالوجۍ وزارت تخنیکي همکاریو، د الکترونیکي سیستمونو جوړولو، د الکترونیکي حکمتوالی د برنامې تطبیق او دغه شورا دفتر ته د ویب سایت جوړولو په اړه خبرې وکړې.
د افغانستان طبی شورا په هیواد کې د روغتيايي خدماتو د ارزیابۍ او نظارت لپاره جوړه شوې چې په پورته مواردو کې د همکاریو غوښتونه کوي او مخابراتو وزارت په ټولو اړوند برنامو کې له دغه ادارې سره مرسته کوي.
محترم شهزاد آريوبي د آسان خدمت ادارې او سایبر سکیورتي تخنيکي ټيمونو ته دنده وسپارله چې د دغه ادارې سیستمونه برسي او مطالعه کړي، ترڅو ددغه اسانتياو تر څنګ هېوادوالو او په ځانګړې توګه ډاکټرانو ته ASANJOB په شان د معلوماتي ټکنالوجۍ د نورو اسانتياو زمينه برابره شي.
