دایکنډي ولایت د مخابراتو او معلوماتي ټکنالوجۍ ریاست او مخابراتي شرکتونو مسئولینو تر منځ د همغږۍ غونډه وشوه
په دې ناسته کې د مخابراتي خدمتونو د کیفیت د ښه کولو، د سیمکارټونو پلور او ثبت د مخابراتو او معلوماتي ټکنالوجۍ وزارت د اټرا ادارې د طرزالعمل مطابق، په خپل سري ډول د غږیزو او انټرنیټي بستو فعالولو مخنیوی، د وسایلو ثبت، د فریکونسۍ جواز لیکونو اخیستل، د ټاورونو د ثبت فورم اخیستل او د خلکو د مخابراتي انټرنېټي ستونزو حل کولو په اړه بحث وشو.
د یادونې وړ ده چې دایکنډي ولایت کې موجوده انټرنېټي شرکتونو مسئولینو ډاډ څرګند کړ چې د مخابراتو او معلوماتي ټکنالوجۍ وزارت اټرا ادارې کړنلارې په اساس یې خپلې چارې تنظیم کړي او هڅه کوي ټول هغه قوانین چې د مخابراتو او معلوماتي ټکنالوجۍ وزارت له لوري ورته ټاکل کېږي په بشپړ ډول پلي کړي.
