افغانانوته د متحد ایالاتو مستقمي مرستي
دامریکامتحده ایالاتو نړیوالې پرمختیايي ادارې د افغانستان حکومت سره د مستقیمو مرستو تړون لاسلیک کړ
په هغه غونډه کې چې دحکومت د رسنیو په مرکز کې جوړه شوی وه د امریکا د محتده ایالاتو سفیر ښاغلي کارل ایکنبیری ، د امریکا د نړیوالي پرمختیایي ادارې مشر ښاغلي ارل ګست د مالي وزیر ښاغلي عمر زاخیلوال دمعارف وزیر ښاغلي فاروق وردګ ، د ټولوګټو وزیر ښاغلي عبدالقدوس حمیدی ، د کانونو وزیر ښاغلی وحیدالله شهرانی د مخابراتو او معلوماتي ټکنالوجۍ وزارت مالي او اداري مرستیال ښاغلي وهاب الدین سادات او د عامې روغتیا مرستیالې اغلي نادره حیات برهانی او د رسینو استازو ګدون کړی وو . بیلا بیل سندونو لاسلیک کړل
لومړی ښاغلي عمر زاخیلوال د دغو مرستو په اړوند د غونډي برخوالوته مفصل معلومات وکړل او زیاته یي کړه د( USAID ) له مستقیمو مرستو څخه به ( ۵) وزارتونه برخمن شی چې د مخابراتو او معلوماتي ټکنالوجۍ د بريښنايي حکومتوالي پروژه او د معارف وزارت د کیفیت د لوړولو په برخه کې دغه راز د ټول ګتو وزارت او د عامه روغتیا په سکتور کې تیریي ګټه واخیستل شی . همداراز دغه مرستې به د افغان حکومت له لاری او د افغان حکومت په خوښه لګول کیږی او افغاني ادارې به د دې جوګه شی چې دغه مرستي په سمه توګه مصرف کړي .
وروسته بیا د امریکا سفیر ښاغلي ایکنبیری وویل : نن د امریکا نړیواله پرمختیایي اداره او د افغانستان اسلامی دولت سره یو ځای شول ترڅو افغانانو ته ښه ژوند ور په برخه کړي . د دې پروژې په اعلانولو او د وزارتونو لخوا د دې مرستو اداره کول د افغانستان خلکو لپاره یو ښه زیری دی.
ورستا بیا د مخابراتو او معلوماتي ټکنالوجۍ وزارت مالي او اداري مرستیال ښاغلي وهاب الدین سادات د سند د لاسلیک کولو پرمهال وویل : ۳،۹ ملیون ډالره د پریښنایی حکومتوالي په برخه کې ځانګړی شوي دي، چې په شفافه توګه ولکول شی.
