کونړ ولایت چپې درې ولسوالۍ کې د یوه مخابراتي سایټ له ودانیزو چارو څخه څارنه ترسره شوه
د کونړ ولایت د مخابراتو او معلوماتي ټکنالوجۍ ریاست او ګډ تخنیکي ټیم له لوري د یاد ولایت چپې درې ولسوالۍ څاریګل سیمه کې د سلام مخابراتي شبکې د یوه سایټ د جوړولو له بهیر څخه څارنه ترسره شوه.
یاد مخابراتي سایټ په فعالیدو سره به د چپې درې ولسوالۍ هغه محرومې سیمې چې له مخابراتي آسانتیاو بې برخې دي مخابراتي آسانتیاوې برابرې شي او همدا راز د سیمې اوسېدونکو ته به مکالماتي او انټرنټي چوپړ چمتو کړي .
د مخابراتو او معلوماتي ټکنالوجۍوزارت ولایتي ریاستونه او نظارتي ټیمونه وخت په وخت د هېواد په ټولو برخو کې له مخابراتي چوپړ او د نویو مخابراتي سایټونو له جوړېدو څارنه ترسره کوي څو د خدماتو په وړاندې کولو او د نویو مخابراتي آنټنونو جوړولو کې خنډ او ځنډ رامنځته نه شي.
