د بغلان ولایت د مخابراتو او معلوماتي ټکنالوجۍ نوي رییس په رسمي ډول کار پیل کړ
د بغلان ولایت د مخابراتو او معلوماتي ټکنالوجۍ نوي رییس عبدالخلیل حقپرست د مراسمو په ترڅ کې چې د والي مرستیال، د ولایت مقام د دفتررییس، د تخنیکي او سکتوري خدمتونو رییس، د بشري سرچینو رییس، د کار او ټولنیزو چارو رییس، د مالي او اداري رییس په ګډون جوړ شوي وو په رسمي ډول خپل کار پیل کړ.
د بغلان والي ښاغلي محمد اکبر بارکزي د دغه ولایت د مخابراتو له نوي مشرتابه سره د ډیجیټل جوړونې په برخه کې د هر ډول همکارۍ ژمنه وکړه.
همداراز ښاغلي حقپرست په خپلو خبرو کې ژمنه وکړه چې خلکو ته به د معلوماتي ټکنالوجۍ په برخو کې د ښو خدمتونو وړاندې کولو او بريښنایي حکومتدارۍ پیاوړتیا لپاره کار وکړي.
