نوري فايبر ته د ازاد لاسرسي پاليسي تجديد او خصوصي سکتور ته د جوازونو ورکړه تصويب شوه

د افغانستان د اسلامي جمهوريت د جلالتماب جمهور رئيس په رهبرۍ د اقتصاد عالي شورا د پرېکړې په اساس نوري فايبر ته د ازاد لاسرسي پاليسي تجديد او خصوصي سکتور ته د ښاري او منطقوي جوازونو ورکړه او نرخونه تصويب شو. په دې اړه د مخابراتي خدماتو د تنظيم ادارې (اترا) رئيس ښاغلي نجيب عزيزي د اقتصاد عالي شورا ته معلومات ورکړل او د دې پاليسۍ د تطبيق او ګټو په اړه يې خبرې وکړې. جمهور رئيس د ازاد رسي پاليسي Open Access Policy د ټکنالوجۍ په پرمختګ او د خصوصي سکتور په وده کې مهم ګام وباله. 
نوري فايبر ته د ازاد لاسرسي سره به خصوصي سکتور تقويه شي. نوري فايبر به له انحصاره وځي او هم به ټولو ښاري او لرې پرتو سيمو ته پراختيا وکړي. دا مهال د هېواد ۲۵ ولايتونو ته نوري فايبر غځېدلی او پاتې ۹ ولايتونه به هم د ۲۰۱۸ کال تر پايه وصل شي.