امضای توافق نامه همکاری با تاجکستان برای انکشاف خدمات مخابرتی افغانستان

محترم شهزاد اریوبی، وزیر مخابرات و تکنالوژی معلوماتی در حالیکه هیأت رسمی حکومت افغانستان در راس محترم داکتر عبدالله عبدالله رئیس اجرائیه کشور، صدر اعظم و مقامات عالی رتبه تاجیکستان حضور داشت، با رئیس خدمات علاقه تاجیکستان موافقتنامه همکاری به امضا رسانید.  در این توافقنامه که در سفر اخیر وزیر مخابرات و تکنالوژی معلوماتی به کشور تاجکستان به امضا رسید در بخش تکنالوژی معلوماتی و مخابراتی که حاوی اتصال منطقوی از طریق فایبر نوری، انتقال بندویت انترنت، خدمات پستی، تجارت الکترونیک و تبادل تجارب و دانش در بخش تکنالوژی معلوماتی می باشد، همکاری های دوجانبه شامل است. رییس اجراییه جمهوری اسلامی افغانستان در این دیدار ضمن قدردانی از همکاری‌های همه جانبه جمهوری تاجیکستان برای افغانستان، اظهار داشت که گسترش روابط همه جانبه و مناسبات نیک میان دو کشور، اهمیت فراوان برای دو کشور و تأثیر مثبت بر منطقه دارد. قاهر رسول‌زاده صدراعظم تاجیکستان به نماینده‌گی از هیأت آن کشور نیز از افزایش روابط همه جانبه میان دو کشور ابراز خرسندی نموده افزود: تاجیکستان متعهد به همکاری و گسترش مناسبات نیک با افغانستان است.