نورستان کې د افغان بیسیم مخابراتي سایټ تخنیکي تجهیزات نصب او په ازمایښتي ډول فعال شو
د نورستان ولایت د مخابراتو او معلوماتي ټکنالوژۍ ریاست او اترا ادارې د ګډو هڅو په پایله کې، د برګمټال ولسوالۍ د پشاورک په سیمه کې د افغان بیسیم مخابراتي شرکت اړوند سایټ ته تخنیکي تجهیزات نصب او په ازمایښتي ډول فعال شو.
تمه ده چې د یاد سایټ رسمي پرانیسته به په نږدې ورځو کې ترسره شي او له هغې وروسته به د سیمې اوسېدونکو ته مخابراتي خدمتونه په بشپړ ډول وړاندې کړي.
د دې سایټ په فعالېدو سره به د پشاورک، آپسي، آټټي، دیوانا بابا او سمنک سیمو اوسېدونکي، همدارنګه پر عمومي لویه لاره تګ راتګ کوونکي، د افغان بیسیم مخابراتي خدمتونو ته لاسرسی ومومي.
