پکتیا ولایت کې د روشن مخابراتي شرکت مخابراتي او انټرنیټي خدمتونه ۹۰ سلنه 4G ته لوړشول
د مخابراتو او معلوماتي ټکنالوجۍ وزارت په لارښونه، د پکتیا ولایت د مخابراتو او معلوماتي ټکنالوجۍ ریاست او روشن مخابراتي شرکت دګډو هڅو په ترڅ کې د پکتیا ولایت مرکز او یوشمیر ولسوالیو کې د یاد مخابراتي شرکت انټرنیټي او مخابراتي خدمتونه ۹۰ سلنه 4G ته لوړ شول .
دیادولو وړده چې د دا ډول خدمتونو په فعالولو سره به یاد شرکت دنوموړي ولایت د اوسیدونکو لپاره ښه او باکیفیت خدمتونه وړاندې کړي او د خلکو ستونزې به ورباندې حل شي.
