د مخابراتو او معلوماتی تکنالوجئ وزارت او خصوصی شرکتونو تر منځ د چټک پستی خدمتونو هوکړه لیک لاسلیک شو

نن دو شنبه د ۱۳۹۱ کال د تلی میاشتې لسمه دمخابراتو او معلوماتی تکنالوجئ وزارت د چټک پستی خدمتونو د وړاندې کولو هوکړه لیک د څلورو خصوصی پستی شرکتونو T.N.T,D.H.L,FDEX,MOVE ON LOGESTIC) ( سره د هغه مطبوعاتی کنفرانس په ترڅ کې چې د مخابراتو وزارت د کنفرانسونو په تالار کې جوړ شوی وو لاسلیک کړ.

په یاد کنفرانس کې د مخابراتو او معلوماتی تکنالوجی وزارت مالی او اداری مرستیال ښاغلی وهاب الدین سادات د مخابراتی خدمتونو وړاندې کول په اړه وویل: د مخابراتو او معلوماتی تکنالوجی وزارت د هیواد پستی سیستم د پرمختګ او عصری کولو هڅه کوی. ښاغلی سادات زیاته کړه چې د هوکړه لیک د مفاداتو پر بنسټ څلور خصوصی پستی شرکتونه د هیواد په پنځه ولایتونو لکه کندهار،هرات، کندز،کابل او ننګرهار کی چټک پستی خدمتونه وړاندی کوي.
 د دغه شرکتونو د ګټې ۱۵ سلنه د دولت بودیجې ته لیږدول کیږی. هر لیک او مراسله په ۷۲ ساعتونو کې ټاکل شوي مرجع ورسیږی او دا د سندونو او توکو د لیږدونې یواځینی ارزانه لاره ده.