د خدمات تکنالوژي معلوماتي ګلبهار نت شرکت ته د خدمات انترنیتی آی سي تي افغان سایبر شرکت د انترنتی خدمتونو د وړاندې کولو ملی جواز د واګذارۍ (انتقال) په اړه
په درناوي سره لیکل کیږي:
څرنګه چې د خدمات تکنالوژي معلوماتي ګلبهار نت شرکت ته د خدمات انترنیتی آی سي تي افغان سایبر شرکت د انترنتی خدمتونو د وړاندې کولو ملی جواز د واګذارۍ (انتقال) پروسه په دې اړه کې جریان لري او د جوازونو، جوازلیکونو او اسهامو د انتقال (واګذاری) طرزالعمل اوولسمې مادې دوهم پاراګراف په لاندې ډول صراحت لري:
(اترا اداره دې د انتقال له اړخونو سره خپل حسابونه تصفیه او د حکومت نورو اداراتو ته له انتقالیدونکي شرکت سره د حسابونو د تصفیې په موخه رسماً خبر ورکړي تر څو یاد ادارات د یوې میاشتې په موده کې له انتقالیدونکی شرکت سره خپل حسابونه تصفیه کړي. د مخابراتو او معلوماتي ټکنالوژۍ وزارت او د اترا ادارې د وېب سایټونو له لارې او هم د متقاضي لخوا د خپلو معاملاتو د تصفیې په موخه د معتبرې رسنۍ له لارې موضوع نشر شي).
بناً هیله کیږي چې موضوع د مخابراتو او معلوماتي ټکنالوژۍ محترم وزارت او د اترا ادارې د ویب سایټونو له لارې له اړونده اشخاصو او مراجعو سره د تصفیې په موخه په لاندې متن سره نشر شي. د اعلان متن په لاندې ډول دی:
خدمات تکنالوژي معلوماتي ګلبهار نت شرکت ته د خدمات انترنیتی آی سي تي افغان سایبر شرکت د انترنتی خدمتونو د وړاندې کولو (ISP) ملی جواز د واګذارۍ (انتقال) په اړه
(څرنګه چې د خدمات تکنالوژي معلوماتي ګلبهار نت شرکت ته د خدمات انترنیتی آی سي تي افغان سایبر شرکت د انترنتی خدمتونو د وړاندې کولو (ISP) ملی جواز د واګذارۍ (انتقال) پروسه د افغانستان د مخابراتي خدمتونو د تنظیم په اداره (اترا) کې جریان لري، بناءً ټولو اړونده مراجعو او اشخاصو ته چې د دې موضوع د معاملاتو تصفیې په موخه خبر ورکړل شو. د یادونې وړ ده چې د نوي سهمدار لخوا ادارې ته لیکلی تعهد وړاندې شوی دی چې د انتقالیدونکي جواز/جوازلیک اسهامو اړوند د انتقالوونکي په ذمه د ټولو پاتې مکلفیتونو په ځانګړې توګه د ټولو دیونو او تادیاتي مکلفیتونو د تادیې مسئولیت به پرغاړه لري).
والسلام
الحاج مولوي سید برات شاه آغا ندیم
د افغانستان د مخابراتي خدمتونو د تنظیم ادارې (اترا) رئیس
