غور ولایت لعل سرجنګل ولسوالۍ کې مخابراتي سایت فعال او ګټې اخیستنې ته وسپارل شو
د لرې پرتو سیمو اوسېدونکو ته د مخابراتي اسانتیاوو د برابرولو په موخه، د غور ولایت لعل او سرجنګل ولسوالۍ سفید آب سیمه کې د اتوما مخابراتي شرکت سایټ فعال او ګټې اخیستنې ته وسپارل شو.
د دې سایټ په فعالېدو سره به د سیمې او شاوخوا سیمو اوسېدونکي مخابراتي او انټرنېټي خدمتونو ته لاسرسی ومومي، چې له امله یې د اړیکو اسانتیاوې برابرې او پّ دې برخه کې یې ستونزې هوارې شي.
د یادونې وړ ده چې د سیمې خلکو د دې سایټ له فعالېدو هرکلی وکړ او دا یې د دې سیمې د اوسېدونکو د مخابراتي ستونزو د حل په برخه کې یو مهم او ارزښتناک ګام وباله.
