غور ولایت د مخابراتو او معلوماتي ټکنالوجۍ ریاست د کمپیوټر ښوونیز مرکز څخه ۷۵ تنه زده کوونکي فارغ شول
د غور ولايت د مخابراتو او معلوماتي ټکنالوجۍ رياست له لوري د کمپيوټري پروګرامونو (مایکروسافټ آفیس، وینډوز او انټرنیټ) په برخه کې، له شپږ مياشتنيو زده کړو وروسته ۴۰ تنه زده کوونکی او ۳۵ تنه محصلین د یوې لنډې کاري زدکړیزې دورې څخه فارغ او ورته بري لیکونه وویشل شول.
په هغه غونډه کې چې په همدې مناسبت جوړه شوې وه د غور ولایت نماینده محترم مولوی محمد صادق رصاص، د مخابراتو او معلوماتي ټکنالوجۍ رئیس محترم مولوي محمد یوسف رهنما او د یاد ولایټ ګڼو نورو چارواکو او سیمه ییزو مسوولینو ګډون کړی و.
د دغه غونډې په لړکې دغور ولایت نماینده محترم مولوي محمد صادق رصاص، د خپلو خبرو په لړ کې د ټکنالوجۍ په ارزښت خبرې وکړی او د مخابراتو او معلوماتي ټکنالوجۍ وزارت څخه یې مننه وکړه چې په یاد ولایت کې یې ځوانانوته د ټکنالوجۍ د زدکړې حاصلولو زمینه برابره کړې ده ، او ځوانان یې وهڅول چې له شته فرصت څخه د تکنالوجۍ په برخه کې ګته پورته کړي او هیواد والوته د خدمت جوګه شي .
د مخابراتو او معلوماتي ټکنالوجۍ وزارت د اوسني عصر اړتیا او د ټکنالوجۍ ارزښت ته په کتو د هېواد په ټولو ولایتونو کې د کمپیوټر د زده کړې علمي مرکزونه جوړ او د ټکنالوجۍ په پرمختللو وسایلو سمبال کړي چې د مجربو ښوونکو له لوري هېوادوالو ته پکې په علمي او عملي ډول تدریس کېږي.
