هرات ولایت ګذرې ولسوالۍ کې د روشن مخابراتي شرکت د یوه مخابراتي سایټ انټرنېټي خدمتونو ظرفیت لوړ شو
د مخابراتو او معلوماتي ټکنالوجۍ وزارت د لارښوونې پر اساس، د هرات ولایت د مخابراتو او معلوماتي ټکنالوجۍ ریاست او د روشن مخابراتي شرکت په ګډو هڅو د یاد ولایت ګذرې ولسوالۍ په سیاو شان سیمه کې د یوه مخابراتي سایټ ظرفیت ۴جي ته لوړ او ګټې اخیستنې ته وسپارل شول.
د نوموړي مخابراتي شرکت د انټرنیټي ۴جي خدمتونو په فعالیدو سره اوسمهال د هرات ولایت د یادی ولسوالۍ اوسېدونکي کولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د یادونې وړ ده چې د هرات ولایت د ګذرې ولسوالۍ اوسېدونکو د مخابراتو او معلوماتي ټکنالوجۍ وزارت د دغه نیک اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه.
