میدان وردګو ولایت یو شمیر ولسوالیو کې د ام ټي ان مخابراتي شرکت د اته مخابراتي سایټونو دانټرنېټي خدمتونو ظرفیت لوړ شو
د مخابراتو او معلوماتي ټکنالوجۍ وزارت په هدایت د میدان وردګو ولایت په سید آباد، نرخ، جلریز او د بهسودو ولسوالیوکې د ام ټي ان مخابراتي شرکت مخابراتی او انټرنېټي خدمتونو ظرفیت له ۲جي څخه ۴جي ته او(په جلریز کې د دوو سایټونو، د بهسودو په لومړۍ حصې کې د دوو مخابراتی سایټونو ) ظرفیت له ۲جي څخه ۳جي ته لوړشو او ګټې اخیستنې ته سپارل شوي.
د نوموړي مخابراتي شرکت د ۳جي او ۴جي انټرنټي خدمتونو په فعالیدو سره به د میدان وردګو ولایت د یادو ولسوالیو اوسېدونکي وکولای شي لوړ کیفیت او چټک انټرنېټي خدمتونو ته لاسرسی ولري او خپلې مخابراتي او انټرنېټي ستونزې هوارې کړي.
د یادونې وړ ده چې د یادو ولسوالیو اوسېدونکو د مخابراتو او معلوماتي ټکنالوجۍ وزارت د دغه نیک اقدام ستاینه وکړه او د نوموړي ولایت د مخابراتو او معلوماتي ټکنالوجۍ ریاست، له هڅو یې خوښي څرګنده کړه او همدارنګه د نوموړي مخابراتي شرکت اړوند پاتې سایټونو د ظرفیت لوړولو لړۍ به نورو ولسوالیو ته هم وغزیږي.
