د مخابراتو او معلوماتي ټکنالوجۍ وزارت وزیر ایراني پانګه والو سره ناسته وکړه
د مخابراتو او معلوماتي ټکنالوجۍ وزارت وزیر محترم الحاج مولوي نجیب الله حیات حقاني ایراني سوداګرو سره د ټکنالوجۍ، مخابراتي خدمتونو په برخو کې د پانګونې په موخه ناسته وکړه.
دغې ناسته کې د مخابراتو او معلوماتي ټکنالوجۍ وزارت وزیر ښاغلي الحاج مولوي نجیب الله حیات حقاني افغانستان کې د ټکنالوجۍ د ودې او پراختیا په برخه کې د پانګوونکو لپاره د اسانتیاو ډاډ ورکړ او زیاته یې کړه چې د مخابراتو او معلوماتي ټکنالوجۍ وزارت د قوانینو په رعایت سره پانګه اچوونکو ته د اسانتیاو د برابرولو په برخه کې همکار دی.
د ایران هېواد څخه راغلو سوداګرو افغانستان کې د مخابراتي خدمتونو په برخه کې د مخابراتو او معلوماتي ټکنالوجۍ وزارت د اټرا ریاست د جواز غوښتنه کوله تر څو وکولای شي له همدې طریقه مخابراتي شرکتونو سره د قرارداد له مخې ایران کې افغان مسافرو ته په ارزانه ډول خدمات ورسوي .
د مخابراتو او معلوماتي ټکنالوجۍ وزارت راغلو پانګوالو ته ډاډ ورکړ چې له مخابراتي شرکتونو سره له تفاهم وروسته دوی سره د هر ډول قانوني مرستې په برخه کې چمتو دي.
