د بدخشان ولایت د مخابراتو ریاست د آ ټي برخې کارمندانو لپاره د مایکروټیک لومړنی روزنیز پروګرام تر سره شو
دا پروګرام د بدخشان ولایت د مخابراتو او معلوماتي ټکنالوجۍ ریاست تخنیکي کارمندانو د مسلکي پوهې کچې د لوړولو په موخه تر سره شو.
د بدخشان ولایت د مخابراتو رییس ښاغلي نقیب الرحمن معروف په اداره کې د انټرنټ بانډویډ د ښه تنظیم لپاره د مایکروټیک ټکنالوجۍ په اهمیت خبرې وکړې او ګډونوالو ته یې د انټرنټ د ضایع کیدو د مخنیوي په اړه معلومات وړاندې کړل.
ښاغلي معروف زیاته کړه چې د دې ټکنالوچۍ په زده کړې سره کارمندان کولای شي په اداره کې د کم بانډویډ څخه ښه او اغیزناکه ګټه پورته کړي.
د یادولو ده چې دا ډول روزنیز پروګرام به د نورو ادارو د آی ټي کارمندانو لپاره هم ترسره کیږي.
