د بودیجې اغیزمن لګښت او د پراختیایی پروژو حالت د بیاکتني په موخه غونډه وشوه
دغه ناسته چې د مخابراتو او معلوماتي ټکنالوجۍ وزیرې معصومه خاوري په مشرۍ او د پالیسۍ او پروګرامونو مرستیال احمد مسعود لطیف رای او د اړوندو ادارو یو شمیر رئیسانو په ګډون جوړه شوې وه د ۱۴۰۰ مالي کال د پرختیایي بودیجې د لګښت څرنګوالي او د وزارت د پراختیایي پروژو د وضعیت په اړه بحث او د نظر تبادله وشوه.
په دې ناسته کې، معصومه خاوري ټولو رئیسانو ته لارښوونه وکړه چې په مرکز او ولایتونو کې د پراختیايي پروژو د پلي کولو پروسه ګړندۍ کړي او څرګنده یې کړه چې د پروژو په پلي کولو کې ځنډ د منلو ندی.
همدارنګه په دې ناسته کې د وزارت د تدارکاتو په پروسه کې یو شمیر ستونزو ته هم اشاره وشوه او لارښوونه وشوه ترڅو رییسان او د پروژو مدیران دې د خنډونو لرې کولو او د پراختیایی پروژو په وخت پلي کیدو کې لا ډیرې هڅې وکړي.
د ۱۴۰۰ مالي کال لپاره د مخابراتو او معلوماتي ټکنالوجۍ وزارت ټوله پراختیایی بودیجه شا وخوا ۶۲۳ ملیونه افغانۍ ده.
