افغان لوړ پوړي هیئت د مخابراتو نړیوالی اتحادیي سکرتر جنرال سره وکتل
سهشنبه ۱۳۹۷/۸/۸ - ۱۵:۳۵
د مخابراتو او معلوماتي ټکنالوجۍ وزیر محترم شهزاد آريوبي د هیواد اجراییه ریس، جلالتمآب دکتور عبدالله عبدالله په مشرۍ د لوړ پوړي دولتي پلاوي په ګډون له ښاغلی هولین ژئو، د مخابراتو نړیوالې اتحادیې سکرتر جنرال سره په دوبی کې په خپل استوګنځاې کې ولیدل.
په دغه کتنه کې، اجراییه ریس د مخابراتو نړیوالې اتحادیې سکرتر جنرال ته په بریالۍ توګه د مخابراتو نړیوالې اتحادیې کنفرانس ترسره کیدو مبارکۍ ورکړه او له هغه یې مننه وکړه چې په یاد کنفرانس کې یې له غړو هیوادونو او پانګوالو وغوښتل چې د مخابراتو په څانګه کې په افعانستان کې پانګونه وکړي.
اجراییه ریس زیاته کړه چې، اوسمهال شپږ مخابراتي شبکې په افغانستان کې فعالیت کوي او د پانګونې ښه شرایط برابر شوی دي.
همدا راز، د فایبر نوري پروژه، د چین هیواد سره د واخان دهلیز، دیجیټل کاسا، د معلوماتي ټکنالوجۍ په څانګه کې د ښځو د ظرفیت لوړول، او د معلوماتي ټکنالوجۍ په څانګه کې د پرمختللو هیوادونو د همکارۍ څرنګوالی په اړه مفصلې خبرې وشوې.
ورپسې د ITU سکرتر جنرال پخپلو خبرو کې د افغان دولت له مشرتابه څخه مننه وکړه چې مخابراتي خدماتو ته د لاسرسۍ، د ټکنالوجۍ پرمختګ څخه ملاتړ او د ودې او پراختیا زمینه یی افغانانو ته چمتو کړې او ټینګار یې وکړ چې د زیربنایي او ظرفیت لوړوالي پروژو په برخه کې به له افغانستان سره هراړخیزې مرستې وکړې.
