د مخابراتي خدمتونو نړيوالې اتحادیې یا (ITU) له عمومي مشره سره ناسته
د مخابراتو او معلوماتي ټکنالوجۍ محترم وزیر شهزاد اریوبي نن سه شنبې د ۱۳۹۷ کال د سرطان میاشتې په ۱۱ مه په خپل کاري دفتر کې د ITU له عمومي مشر ښاغلي هولن زاو (Houlin Zhao) سره ناسته وکړه. ښاغلي اریوبي وویل چې نوموړی په افغانستان کې په کُلي توګه د مخابراتي او معلوماتي ټکنالوجۍ سکټور وضعیت د ارزولو په موخه زمونږ په بلنه د لومړي ځل لپاره افغانستان ته راغلی دی. هغه وویل چې له افغانستان څخه لومړنۍ بهرنۍ اړیکه د لومړي ځل لپاره له ماسره نیول شوې ده. ښاغلي هولن زاو زیاته کړه چې مونږ په افغانستان کې د مخابراتي سکټور پیاوړتیا او پراختیا ته کاملا ژمن یو. ښاغلي اریوبي د محترم هولن د راتګ څخه د مننې ترڅنګ ژمنه وکړه چې د مخابراتو نړیوالې ټولنې د سپارښتنو په تطبیق کې به هیڅ ډول هڅې او تلاشونه دریغ نه کړي.
