د مخابراتو او معلوماتي تکنالوجۍ وزارت او د کابل ښاروالۍ تر منځ د لایسنسونو او جواز سیرونو د الکټرونیکي کولو هوکړه لیک لاسلیک شو

د روان 1396 کال د مرغومې د میاشتې په 13 مه نیټه د لایسنسونو او جواز سیرونو د الیکټرونیکي کیدو په موخه د مخابراتو او معلوماتي ټکنالوجۍ وزارت او د کابل ښاروالۍ تر منځ هوکړه لیک د یو مطبوعاتي کنفرانس په ترڅ کې لاسلیک شو.
د مخبراتو او معلوماتي ټکنالوجۍ وزیر ښاغلي شهزاد آریوبي په خبلو خبرو کې وویل : چې ددې سیستم له مخې جواز سیر، او د موټر چلولو جواز یا لایسنس برېښنايي او په معیاري ډول جوړيږي او د ځيرکو کارتونو (Chip) څخه پکې کار اخيستل کیږي او د کابل ښار په کچه د ترافیکو د سیستم له پاره ډېټابیس رامنځته کيږي چې پدې سره به د کابل د عمومي مدیریت مراجعین وکولی شي د عریضو پر ځای انلاین غوښتنلیکونه وړاندې او اړونده فورمې ډکې کړي.
ښاغلي آریوبي زیاته کړه چې د ترافیکو الکترونکي کیدل به له يوې خوا د مراجعینو د زیاتې ګڼې ګونې مخه ونیسي، فساد به له منځه ولاړ شي او له بل پلوه به په چارو کې اسانتیا رامنځ ته شي او همدارنګه ددې سیستم په عیاریدو سره به د کابل ترافیکو د عمومي مدیريت مراجعین جواز سیر او د موټر چلولو جواز یا لایسنس په انلاين ډول نوی کولای شي او د پست خونو له لوري به يې په اسانی سره ترلاسه کوي.