پنجشیر ولایت کې د مخابراتي شرکتونو د فعالیتونو د څرنګوالي څخه څارنه وشوه
د پنجشیر ولایت د مخابراتو او معلوماتي تکنالوجۍ ریاست ګډ مسلکي او تخنیکي ټیم له لوري دنوموړي ولایت په مرکز بازارک کې د ام ټي ان، افغان بيسيم ، سلام، روشن او اتصالات مخابراتي شرکتونو دپیرودونکو له نمايندګيو څخه د سیمکارتونو د خرڅلاو، ثبت او راجستریشن او د خلکو شکایتونو ته د رسیدنې په موخه څارنه ترسره شوه
د څارنې په ترڅ کې مخابراتي شرکتونو ته لارښوونه وشوه چې د سیمکارتونو د پلو، ثبت او راجسټریشن پرمهال د مخابراتو او معلوماتي ټکنالوجۍ وزارت اترا ادارې کړنلاره په بشپړه توګه پلی کړي او له مخې یې خپلې چارې سرته ورسوي، او خپلو پیرودونکوته لازمې آسانتیاوې برابرې کړي ترڅو د پیرودونکو د ستونزو دحل سبب وګرځي.
د یادونې وړ ده چې پنجشیر ولایت کې موجوده مخابراتي شرکتونو مسئولینو ژمنه وکړه چې د مخابراتو او معلوماتي ټکنالوجۍ وزارت اترا ادارې کړنلاره به مراعت کړي او له مخې یې خپلې چارې تر سره کوي.
