له معصومې خاوري سره د ترکیې جمهوریت سفیر تعارفي کتنه
په کابل کې استوګن د ترکیې د جمهوریت سفیر ښاغلي اوزهان آرطغرل د مخابراتو او معلوماتي ټکنالوجۍ له وزیرې معصومې خاوري سره د هغې په دفتر کې وکتل او د دوه اړخیزو همکاریو او فرصتونو په ځانګړي ډول د مخابراتو او معلوماتي ټکنالوجۍ سکتور په اړه یې خبرې وکړې.
په دې کتنه کې، ښاغلي آرطغرل یادونه وکړه چې د ترکیې جمهوریت د افغانستان حکومت په ځانګړي ډول له مخابراتو او معلوماتي ټکنالوجۍ وزارت سره په اړوندو او مطلوبو برخو کې دوه اړخیزو همکاریو ته چمتو دی.
آغلې معصومه خاوري د ښاغلي آرطغرل له حضور څخه مننه او قدرداني وکړه او د دوه اړخیزو همکاریو په برخه یې لیوالتیا څرګنده کړه.
