غور ولایت کې دسلام مخابراتي شبکی دوه نوي مخابراتي سایټونه جوړیږي
د مخابراتو او معلوماتي ټکنالوجۍ وزارت د لارښونې پر اساس او د غور ولایت د مخابراتو او معلوماتي ټکنالوجۍ ریاست او افغان ټلي کام مخابراتي شرکت په ګډو هڅو د غور ولایت په مرغاب او الله یار ولسوالیو کې د افغان ټلي کام مخابراتي شرکت سلام شبکې له لورې دوه نوي سایټونه په نیږدې راتلونکي کې جوړیږي.
د دغو سایټونو په جوړیدو سره به د یادو ولسوالیو اوسېدونکي و کولای شي لوړ کیفیت او چټک مخابراتي او انټرنېټي خدمتونو ته لاسرسی ولري او خپلې مخابراتي ستونزې هوارې کړي.
د یادونې وړ ده چې د نوموړو ولسوالیو اوسېدونکو د مخابراتو او معلوماتي ټکنالوجۍ وزارت د کړنو ستاینه وکړه او د دغه ولایت د مخابراتو او معلوماتي ټکنالوجۍ ریاست له هڅو یې خوښي څرګنده کړه.
