د ۱۳۹۶ لمریز کال د لوی اختر د مبارکۍ په اړه د مخابراتو او معلوماتي ټکنالوجۍ سرپرست وزیر شهزاد آریوبي پیغام

د مخابراتو او معلوماتي ټکنالوجۍ  رهبري هئیت او منسوبینو په  استازیتوب د هېواد ولسمشر جلالتمآب  دوکتور محمد اشرف غني، د ملي وحدت حکومت اجراییه رییس جلالتمآب ډاکټر عبدالله عبدالله، رؤسا وو،  د ملي شورا درنو غړو، د هېواد امنیتي او دفاعي ځواکونو او ټولو درنو هېوادوالو ته د لوی اختر مبارکي وړاندې کوم.

د مخابراتو او معلوماتي ټکنالوجۍ وزارت رهبري ژمنه کوي چې د هېواد ټولو وګړو ته به له کوم تبعیض پرته غوره، چټګ او خوندې مخابراتي  خدمات وړاندې کوي. د دې ترڅنګ به  په دولتي خدماتو کې شفافیت، چټکتیا او د برېښنایې حکومتوالۍ سیستم په نږدې راتلونکې کې جوړ او تطبیق کړي او هېواد به د ډیجیټلي کیدو پرلور سوق کړي.

له څښتن تعالی څخه ټول شریف ولس ته  د ملي ویوالي، ورورګلوۍ، په هېواد کې د تل پاتې سولې او ثبات هيله کوم.

شهزاد ګل آریوبي

د مخابراتو او معلوماتي ټکنالوجۍ سرپرست وزیر