د کمپیوټر ساینس برخې ۱۲۰ تنو فارغانو لپاره د ۹ میاشتنیو زده کړو د ازموینې ترسره کیدل
د مخابراتو او معلوماتي ټکنالوجۍ وزارت د کاسا ډیجیټل ریاست لخوا د کمپیوټر ساینس برخې ۱۲۰ تنو د ښځینه طبقې لپاره د عملي زده کړو ۹ میاشتنۍ ازموینه ترسره شوه.
د مخابراتو او معلوماتي ټکنالوجۍ وزیرې معصومه خاوري پدې ازموینه کې د ښځو د ډېر ګډون او برخه اخیستو څخه قدرداني وکړه او و یې ویل، چې د دې پروګرام هدف دادی چې هغو ښځینه فارغانو ته، چې د یو کال څخه کمه کاري تجربه لري تر سره کیږي او د دوي لپاره د کار کولو زمینه برابروي او د دغه فرصت څخه په اعظمي ګټې اخیستنې یې ټینګار وکړ.
آغلې خاوري ګډونکوونکو ته په خطاب کې وویل: د دې دورې د زده کړو د فراغت څخه وروسته د کار موندنې فورمه واخلئ، د بستونو ته خپل غوښتنلیکونه ورکړئ او زه له تاسو څخه ملاتړ کوم ترڅو په دندو وګمارلې شئ.
د کاسا ډیجیټل پروژې د جندر او عامه اړیکو کارپوهې وږمه کوهستانۍ وویل: د دې ازموینې څخه وروسته به ۴۰ تنه دې روزنیز پروګرام ته لار ومومي او د دې وزارت تخنیکي ریاستونو IT او یا کمپیوټر ساینس برخو ته به ور وپیژندل شي.
ګډونوالو دا ډول روزنیز بهیر د ښځو د هڅونو او په اداري فعالیتونو کې د دوي د برخه اخیستنې لپاره اغیزناک وباله او غوښتنه یې وکړه چې د دې ډول پروګرامونو له لارې دې نور ځوانان هم جذب کړل شي.
