د چک جمهوریت سفیر له معصومه خاوري سره وکتل
پنجشنبه له غرمې مخکې، د چک جمهوریت سفیر ښاغلي ارګي بیلون د مخابراتو او معلوماتي ټکنالوۍ له وزیرې آغلې معصومه خاوري سره وکتل او د چک جموریت د همکاریو په ځانګړي ډول د مخابراتو او معلوماتي ټکنالوجۍ سکتور په برخو کې یې خبرې وکړې. په دې غونډه کې د اترا ادارې رییس ښاغلي عمر منصور انصاري هم برخه اخیستې وه.
د چک جمهوریت سفیر د مخابراتو او معلوماتي ټکنالوجۍ سکتور پر اهمیت ټینګار سره، یادونه وکړه چې افغانستان د مخابراتي خدمتونو پراختیا سره سره لاهم پدې برخه کې ډیر کار او همکاریو ته اړتیا لري.
د مخابراتو او معلوماتي ټکنالوجۍ وزیرې محترمې معصومه خاوري هم د چک جمهوریت د دوامداره مرستو او همکاریو له امله مننه وکړه او د اقتصاد، ساینس او ټکنالوجۍ په پراختیا کې د افغانستان د مخابراتو سکتور سره د لا نورو همکاریو غوښتنه وکړه.
د اترا ادارې رئیس ښاغلي عمر منصور انصاري هم له نړیوالې ټولنې او په ځانګړي ډول د چک جمهوریت څخه د افغانستان د مخابراتو په سکتور کې د دوامداره همکاریو له امله مننه وکړه او د دغه هیواد د همکاریو او ګټورو مشورو غوښتنه یې وکړه.
