د څار او ارزونې کمېټې MEC سره ناسته وشوه
د مخابراتو او معلوماتي ټیکنالوجۍ سرپرست وزیر شهزاد اریوبي د د اداری فساد پر وړاندې د مبارزې، د څار او ارزونې خپلواکې ګډې کمېټې سره ناسته وکړه.
په سر کې د څار او ارزونې کمېټې کمشنرانو د مخابراتو وزارت په اړه د خپلو موندنو راپور واوروه. سرپرست وزیر د فساد سره د مبارزې په ډګر کې د دغه کمیسون کړنې وستایلې او د همکاریو ډاډ یې ورکړ.
سرپرست وزیر وویل، د ۱۰% مالیې په اړه د الیکترونیکي سستم جوړول او ژر تر ژره د الیکترونیکي تذکرو وېش یې په کاري لومړیتوبونو کې دي. هغه همدا راز د فساد ضد د یوې هر اړخیزې ستراتیژۍ د جوړولو خبر ورکړ چې وخت په وخت به یې راپور د فساد ضد له ټولو ادارو سره شریک شي.
