د وزارت رهبري خلکو ته د حساب ورکولو ته ژمنه ده

Alireza Khaliqyar
شنبه ۱۳۹۸/۴/۲۹ - ۱۴:۳۳

https://www.mcit.gov.af/ps/%D8%AF-%D9%88%D8%B2%D8%A7%D8%B1%D8%AA-%D8%B1%D9%87%D8%A8%D8%B1%D9%8A-%D8%AE%D9%84%DA%A9%D9%88-%D8%AA%D9%87-%D8%AF-%D8%AD%D8%B3%D8%A7%D8%A8-%D9%88%D8%B1%DA%A9%D9%88%D9%84%D9%88-%D8%AA%D9%87-%DA%98%D9%85%D9%86%D9%87-%D8%AF%D9%87

د مخابراتو او معلوماتي ټکنالوجۍ وزارت سرپرست محترم محمد فهیم هاشمي نن د مخابراتي خدماتو لس سلنه محصول ټولونې نظارتي کمېټه کې چې د مخابراتو او معلوماتي ټکنالوجۍ، ماليې وزارت او اترا ادارې به مشرتابه جوړه شوې، وویل چې د مخابراتو او معلوماتي ټکنالوجۍ وزارت مشرتابه خلکو ته د حساب ورکولو ته ژمنه ده او زیاته يې کړه چې خلک باید د لس سلنه مخابراتي محصول د ټولونې څخه پوره ډاډ تر لاسه کړي.

ښاغلي هاشمي د کمېټې غړو ته لارښوونه وکړه چې د لس سلنه مخابراتي محصول ټولونې یو مفصل راپور چمتو او د کمېټې مشرتابه ته وړاندې شي چې ژر تر ژره د رسنیو او خلکو سره شریک شي.