د وزارت د مشرتابه هیئت ناسته جوړه او په یو لړ موضوګانو لازم تصمیمونه ونیول شول
د مشرتابه هیئت غونډه د مخابراتو او معلوماتي ټکنالوجۍ وزیرې اغلې معصومه خاوري په ریاست او د پالیسۍ او پروګرام مرستیال او د وزارت بیلابیلو برخو مسؤلینو او رئیسانو په ګډون جوړه شوه.
به دې ناسته کې د ستراتیژیک پلان مسودې جوړونې وروستي کول، د پروګرامونو او راپورونو د عملي کولو او سیستم جوړونې ، د زیربناوو او ډیجیټلي اقتصاد، د ټکنالوجۍ او څېړنې مرکز پروژه او د انټرنیټ سره د ښوونځیو د نښلولو پروژې په ګډون او یو لړ اړینو موضوعاتو په اړه بحث او بیلا بیل نظرونو تبادله شول.
غونډې ته د وزارت رئیسانو او مختلفو برخو مسؤلینو د خپلو هغو اجرااتو په اړه چې په تیرو ناستو کې ورسپارل شوي وو خپل معلومات وړاندې کړل او په اجنډا کې شاملو موضوګانو باندې هم تفصیلي خبرې اترې وشوې.
د مخابراتو او معلوماتي ټکنالوجۍ وزیرې د رییسانو د راپورونو له اوریدو او د نظرونو له تبادلې وروسته اړوند مسئولینو ته په جدي توګه سپارښتنه وکړه تر څو د وزارت ستراټیژیک پلان مسوده او نورې موضوګانې د ذیدخلو خواو سره له خبرو او مشورې وروسته ژر تر ژره وروستۍ کړي.
