د هیواد په لویدیځ زون کې د مخابراتو او معلوماتي ټکنالوجۍ وزارت د نوري فایبر د پالیسۍ تطبیق

د مخابراتو او معلوماتي ټکنالوجۍ وزارت د محترم مقام د لارښوونې پر بنسټ، د هېواد په لویدیځ زون کې د نوري فایبر د پالیسۍ د تطبیق په اړه د هرات ولایت د مخابراتو او معلوماتي ټکنالوجۍ ریاست، د لویدیځ زون د اترا ادارې او په دغه ولایت کې د مخابراتي انټرنټي شرکتونو د استازو په ګډون غونډه جوړه شوه.

په دې غونډې کې د مخابراتو او معلوماتي ټکنالوجۍ وزارت د نوري فایبر د پالیسۍ د اهمیت او ارزښت په اړه پوره معلومات وړاندې شول او د هرات ولایت د مخابراتو او معلوماتي ټکنالوجۍ له ریاست سره په همغږۍ د هغې په بشپړ تطبیق او کارولو باندې ټینګار وشو.

همدا راز د مخابراتي او انټرنټي خدمتونو د شرکتونو استازو ژمنه وکړه چې د یاد ولایت د مخابراتو او معلوماتي ټکنالوجۍ له رياست سره په همغږي د مخابراتو وزارت د نوري فایبر پاليسۍ او اصولو له مخې اجراات تر سره کوي.