د نورستان ولایت د مخابراتو او معلوماتي ټکنالوجۍ ریاست اړوند د کمپیوټر ښونیز مرکز د ټکنالوجۍ په نویو وسایلوسمبال شو
د مخابراتو او معلوماتي ټکنالوجۍ وزارت په لارښونه د نورستان ولایت د مخابراتو او معلوماتي ټکنالوجۍ ریاست اړوند د کمپیوټر ښوونیز مرکز د ټکنالوجۍ په نویو وسایلوسمبال شو.
په دغو وسایلو کې لپ ټاپ کمپیوټرونه، میزونه، چوکۍ، دلپ ټاپ کمپوټرلاکر، امنیتي کمرې او د بریښنا لمریز سیستم شامل دي چې د دغه وسایلو په کارولو سره به په نوموړي مرکز کې د زدکوونکو او ښوونکو لپاره لازمې اسانتیاوې برابرې شي تر څو دوی وکولای شي په راتلونکي کې ورڅخه په سمه توګه ګټه پورته کړي او خپلو وړتیاوو ته وده ورکړي.
