د معلوماتي ټکنالوژۍ د نوښتونو لابراتوار د تجهیز پروژې د داوطلبۍ اعلان

د مخابراتو او معلوماتي ټکنالوژۍ وزارت ټولو هغو وړ داوطلبانو ته بلنه ورکوي چې د معلوماتي ټکنالوژۍ د نوښتونو لابراتوار د تجهیز په پروژه کې ګډون وکړي او خپل آفرونه د شرطنامې له شرایطو، د قراردادونو قانون او د تدارکاتو د کړنلارې مطابق ترتیب او په سرتړلي ډول د ۱۴۰۵/۴/۱۸ نېټې د سهار تر ۱۰:۰۰ بجو پورې د مخابراتو او معلوماتي ټکنالوژۍ وزارت د ۱۸ منزله ودانۍ په ۱۴م پوړ کې د تدارکاتو ریاست دفتر ته، چې د کابل ښار د دویمې ناحیې محمد جان خان واټ کې موقعیت لري، وسپاري.

ناوخته رسېدلي آفرونه او هغه آفرونه چې د برېښنالیک (ایمیل) له لارې استول شوي وي، د منلو وړ نه دي.

داوطلبان کولای شي شرطنامه د مخابراتو او معلوماتي ټکنالوژۍ وزارت له وېبپاڼې WWW.MCIT.GOV.AF  او یا هم د ملي تدارکاتو ریاست له برېښنايي پتې https://tenders.ageops.af  څخه ترلاسه کړي.

که چېرې شرطنامه له یادو وېبپاڼو څخه ډاونلوډ نه شي، داوطلبان کولای شي د شرطنامې سافټ کاپي د فلش حافظې له لارې د مخابراتو او معلوماتي ټکنالوژۍ وزارت د ۱۸ منزله ودانۍ په ۱۴م پوړ کې د تدارکاتو ریاست څخه ترلاسه کړي.

د آفر پرانیستلو غونډه به د ۱۴۰۵/۴/۱۸ نېټې د سهار په ۱۰:۰۰ بجو د ۱۸ منزله ودانۍ په ۱۴م پوړ کې د تدارکاتو ریاست په دفتر کې ترسره کېږي.

اسناد:

د معلوماتي ټکنالوژۍ د نوښتونو لابراتوار د تجهیز پروژې لینک

والسلام

الحاج ملا عبدالاحد "فضلي"

د مخابراتو او معلوماتي ټکنالوژۍ وزیر