د مخابراتو او معلوماتي ټکنالوجۍ وزیر محترم شهزاد آريوبی د تېرې ورځې دردوونکې پېښې د شهيدانو کورنيو سره د تسلیت او دعا په موخه د خپلو شهيدو همکارانو د فاتحې په مراسمو کې ګډون وکړ او د قربانيانو له کورنيو سره يې خپله غمرازي شریکه کړه.

Alireza Khaliqyar
دوشنبه ۱۳۹۸/۲/۲ - ۱۵:۹

https://www.mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%DB%8C%D8%B1-%D9%85%D8%AD%D8%AA%D8%B1%D9%85-%D8%B4%D9%87%D8%B2%D8%A7%D8%AF-%D8%A2%D8%B1%D9%8A%D9%88%D8%A8%DB%8C-%D8%AF-%D8%AA%DB%90%D8%B1%DB%90-%D9%88%D8%B1%DA%81%DB%90-%D8%AF%D8%B1%D8%AF%D9%88%D9%88%D9%86%DA%A9%DB%90-%D9%BE%DB%90%DA%9A%DB%90-%D8%AF-%D8%B4%D9%87%D9%8A%D8%AF%D8%A7%D9%86%D9%88-%DA%A9%D9%88%D8%B1%D9%86%D9%8A%D9%88

د مخابراتو او معلوماتي ټکنالوجۍ وزیر محترم شهزاد آريوبی د تېرې ورځې دردوونکې پېښې د شهيدانو کورنيو سره د تسلیت او دعا په موخه د خپلو شهيدو همکارانو د فاتحې په مراسمو کې ګډون وکړ او د قربانيانو له کورنيو سره يې خپله غمرازي شریکه کړه. 
همدا راز ښاغلي آريوبي تېره ورځ ددغه دردوونکې پېښې د ټپيانو څخه په روغتونونو کې لیدنه وکړه او د جلالتمآب جمهور رئيس نقدي مرسته يې ورته وسپارله.

ښاغلي آريوبي وویل چې د تروریستانو موخه د وېرې او ډار خورول دي، د یو داسې بنسټ په نښه کول چې ټولو هېوادوالو ته خدمات وړاندې کوي، يو ځل بیا ثابتوي چې تروریستان هېڅ معيار، ديني او انساني ارزښت ته درناوی نه کوي او په دې باید وپوهېږي چې موږ له هر وخت زیات په قوي ارادې خپلو هېوادوالو ته د خدمت لپاره متعهد يوو.

د مخابراتو او معلوماتي ټکنالوجۍ وزارت ټول منسوبین دغه دردوونکې پېښې سخت متاثره کړي، د قربانياينو کورنيو سره په دغه غم کې خپل ځان شریک ګڼي، شهيدانو ته فردوس جنتونه، ټپيانو ته عاجله شفا او کورنيو ته يې جمیل صبر غواړي.