د مخابراتو او معلوماتي ټکنالوجۍ وزیر د اداري اصلاحاتو او ملکي خدمتونو خپلواک کمیسیون له مشر سره وکتل

Alireza Khaliqyar
دوشنبه ۱۳۹۷/۱۲/۶ - ۱۶:۲۳

https://www.mcit.gov.af/ps/%D8%AF-%D9%85%D8%AE%D8%A7%D8%A8%D8%B1%D8%A7%D8%AA%D9%88-%D8%A7%D9%88-%D9%85%D8%B9%D9%84%D9%88%D9%85%D8%A7%D8%AA%D9%8A-%D9%BC%DA%A9%D9%86%D8%A7%D9%84%D9%88%D8%AC%DB%8D-%D9%88%D8%B2%DB%8C%D8%B1-%D8%AF-%D8%A7%D8%AF%D8%A7%D8%B1%D9%8A-%D8%A7%D8%B5%D9%84%D8%A7%D8%AD%D8%A7%D8%AA%D9%88-%D8%A7%D9%88-%D9%85%D9%84%DA%A9%D9%8A-%D8%AE%D8%AF%D9%85%D8%AA%D9%88%D9%86%D9%88-%D8%AE%D9%BE%D9%84%D9%88%D8%A7%DA%A9-%DA%A9%D9%85%DB%8C%D8%B3%DB%8C%D9%88%D9%86-%D9%84%D9%87-%D9%85%D8%B4%D8%B1-%D8%B3%D8%B1%D9%87

د مخابراتو او معلوماتي ټکنالوجۍ وزیر محترم شهزاد آريوبی د اداري اصلاحاتو او ملکي خدمتونو خپلواک کمېسيون د رئیس محترم نادر نادری سره په لیدنه کې د مخابراتو او معلوماتي ټکنالوجۍ وزارت په چوکاټ کې نویو بستونو د زیاتوالي، د تشو بستونو د څېړلو او دغه وزارت کې د ګومارنې د ازموینو د څرنګوالي په اړه بحث او خبرې وکړې.

د مګړۍ د مخابراتو او معلوماتي ټکنالوژۍ وزارت په چوکاټ کې ۲۹۸ تش بستونه شته.

د دغه وزارت له ټولیز جوړښت څخه چې شمېر یې ۲۷۹۲ تنوته رسېږي، ۱۱۰۰ یې حمایوي بستونه دي چې د مخابراتو او معلوماتي ټکنالوژۍ وزارت نږدې ۵۰ سلنه تشکیل جوړوي.

د مخابراتو او معلوماتي ټکنالوژۍ له وزیر سره، د اداري اصلاحاتو او ملکي خدمتونو خپلواک کمېسیون د رییس په لیدنه کې؛ د کمېسیون د ملکي خدمتونو د تشکیلاتو ریاست موظف شو څو د هغو بستونو له لارې چې دمګړۍ تش دي، د ۲۰۰ پېشنهادي بستونو د تکمیل لپاره، د مخابراتو او معلوماتي ټکنالوژۍ له وزارت سره مرسته وکړي.

دغه راز، پریکړه وشوه، څو د نویو بستونو زیاتوالی داسې وي چې د تشکیل او بودیجې له کچې پورته نشي.