د مخابراتو او معلوماتي ټکنالوجۍ وزارت وزیر د کاپیسا ولایت د والي له معاون او راغلي هیأت سره په خپل کاري دفتر کې لیدنه ؤکړه
د مخابراتو او معلوماتي ټکنالوجۍ وزارت وزیر محترم الحاج مولوي نجیب الله حقاني د کاپیسا ولایت د والي مرستیال ښاغلي مولوي سنان سره لیدنه وکړه، دغې ناسته کې د یاد ولایت پر مخابراتي ستونزو او کاپیسا ولایت کې د مخابراتي خدمتونو پر پراختیا خبرې ؤشوې.
د کاپیسا ولایت مرستیال والي د مخابراتو او معلوماتي ټکنالوجۍ وزارت له کړنو ستاینه ؤکړه او وه ویل چې یاد وزارت توانېدلی د خپل لومړیتوب له مخې مخابراتي خدمتونه د هېواد تر لرو پرتو سیمو ؤرسوي او د هېوادوالو مخابراتي ستونزو ته یې پر وخت رسیدګي او پاملرنه کړې.
همدا راز د مخابراتو او معلوماتي ټکنالوجۍ وزارت وزیر ښاغلي مولوي نجیب الله حقاني مخابرات او ټکنالوجي یې د بشریت د ژوند سره تړلې برخه ؤګڼله او په اوسني وخت کې یادې برخې یې د ټولنې اساسي اړتیاوې وبللې چې په همدې موخه د مخابراتو او معلوماتي ټکنالوجۍ وزارت هڅه کؤي د ټکنالوجۍ او مخابراتي خدمتونو په برخه کې خپل خدمات تر ټولو هېوادوالو ورسوي.
د ناستې په پای کې د مخابراتو او معلوماتي ټکنالوجۍ وزارت د کاپیسا ولایت بچه غان، بدرو میاخیل او اشپي حسن سیمو ته درې مخابراتي سایټونه هم منظور کړل.
دغې ناسته کې د کاپیسا ولایت د والي مرستیال سربیره د یاد ولایت د مخابراتو رییس د ولایت مقام سکرتر د ټولګټو رییس، د عامې روغتیا ریاست مرستیال هم ګډون درلود.
