د مخابراتو او معلوماتي ټکنالوجۍ وزارت مخابراتي شرکتونو ته د فریکونسۍ د مزایدې په موخه د نظارتي پلاوي د همغږۍ ناسته ؤشوه
د مخابراتي خدمتونو د تنظیم ادارې د وړاندیز او د کابینې د منظورۍ په اساس د فریکونسۍ د مزایدې د همغږۍ ناسته د مخابراتو او معلوماتي ټکنالوجۍ وزارت سرپرست وزیر محترم الحاج مولوي نجیب الله حقاني په مشرۍ چې د مالیې وزارت مالي مرستیال، د اقتصاد او عدلیې وزارتونو تخنیکي مرستیالانو او د چارو ادارې د ملي تدارکاتو رییس پکې ګډون درلود مخابراتي شرکتونو ته د فریکونسۍ پر مزایدې بحث وشو او همدا راز د یادې موضوع په تړاو د اټرا محترمې ادارې له لوري په تفصیلي ډول د پرزنټشن په بڼه معلومات شریک شؤل.
مخابراتي شرکتونو ته د دوی د خدماتو د لا ښه والي او د کیفیت د لوړېدو په موخه د فریکونسۍ مزایده به راتلونکي دوه میاشتو کې ترسره شي او وخت په وخت به یې له تاسې سره معلومات هم شریک شي.